Inwaragawag ti International Criminal Court ti proseso iti uppat nga aldaw a confirmation of charges hearing mainaig iti kaso ti crimes against humanity kontra ken ni dati a Presidente Rodrigo Duterte iti kontrobersial a kampaniana kontra droga.
Segun ken ni ICC Spokesperson Oriane Maillet, marugian ti hearing inton Pebrero 23 ket nailawlawag a saan daytoy a trial no di ket pre-trial pay laeng.
Iti daytoy a pagteng, saan pay a desisionan dagiti huwes ti panagbalin nga inosente wenno guilty ni Duterte no di ket kitaen pay laeng dagiti pre-trial judges no makanay dagiti ebidensia a maipan iti trial ti kaso ti dati a presidente.
Immunan a pinasingkedan ti ICC a saan a maipalubos ti trial ti akusado no makumpirmaran dagiti kaso.
Nupay kasta, pinalubosan ti Pre-Trial Chamber 1 ti kiddaw ni Duterte a saan a dumar-ay iti confirmation of charges hearing gapu iti salun-atna.
