--Ads--
Agtaltalinaed a nakalukat iti prosecution panel ti posibilidad a panangbaliw ti panagsasaruno ti presentasion dagiti articles of impeachment, pakairamanan ti panangiyuna iti patangan mainaig ti maipagarup nga unexplained wealth.
Segun ken ni Prosecution Legal Spokesperson Atty. Benjamin Tolosa, palubosan daytoy ti pre-trial order ti impeachment basta mapakammoan ti korte ken ti depensa no adda panagbaliw.
Nupay kasta, impaganetget ni Tolosa nga iti agdama ket nakapokus ti prosekusyon iti panangidatag dagiti ebidensia nga adda pakainaigan iti confidential funds.
Masapul a nainget a masukisok dagiti bank records a naipasa kas sungbat iti subpoena tapno maipresentar dagituy a nalawag, husto ken nadaras ti impeachment court ken iti publiko.
-- ADVERTISEMENT --
