--Ads--
Saan pay laeng a naawat ti Department of Labor and Employment (DOLE) ti aniaman a report iti displaced Filipino workers manipod Philippine Offshore Gaming Operators (POGO).
Segun ken ni DOLE Secretary Bienvenido Laguesma, nakompletodan ti profiling iti 30,000 a Filipino workers a naapektaran ti ban iti POGO ken internet gaming licensees.
Kinunana nga awan pay laeng iti naireport a na-displace ngem agmonmonitor iti DOLE National Capital Region ta kaadoan nga internet gaming licensees ket idiay NCR.
Maipalagip nga idi Hulyo ket indeklarar ni President Ferdinand Marcos Jr. ti pannakaban ti POGO ket naipaay iti agingga agtapos iti tawen iti panagpasarra iti operasyonda iti pagilian.
-- ADVERTISEMENT --
