VIGAN CITY – Pinasingkedan ni Ronald Peros maysa a mannalon ti unas ken maysa a negosyante a ngimmina ti ilaklakoda a tagapulot.
Iti pannaki-uman ti Bombo Radyo Vigan kenni Ronald Peros, manipod ti presyona a sangagasut dua pulo a pisos agingga sangagasut lima pulo a pisos tunggal salop ngimminan ti presyoda nga umaboten ti dua gasut a pisos agingga tallo gasut a pisos tunggal salop.
Nadumaduma iti presyoda kas kenkuana nga no agilako ket dua gasut a pisos tunggal salop ken no man pay kasta a ngimmina ket ado dagiti gumatgatang kadakuada ta awan met sabali nga aramaten dagiti umili kadagiti produkto nga aramidenda nga ilako.
Innayonna a mabilbilang laeng dagiti padana nga adda iti pagaramidanna ti tagapulot ken kiniddawna ti gobierno a matulungan dagiti agmulmula ti unes ditoy probinsya a dakkel a pakabenepisyaran dagiti tattao.
