Namnamaen ti gobierno a lumaka iti agingga lima a pisos ti presyo ti bagas kadagiti sumaruno a bulan.
Dayta ket no maibaba ti taripa iti bagas iti sangapulo ket lima a porsiento basar iti Executive Order No 62.
Segun iti Department of Finance, nakailanad iti EO ti panangkissay iti taripa iti mais, karne ti baboy ken dadduma pay a karne agingga iti 2028.
Gagemna daytoy a makontrol ti flood inflation ken mapapigsa ti food security iti pagilian.
Sumagmamano pay kadagiti ar-aramiden nga addang ti gobierno tapno makontrol ti food inflation ket ti panangiruar iti Administrative Order No 20 ti Department of Agriculture tapno simpaen ti sistema ti importasyon ken mangipatungpal iti streamlining kadagiti proseso.
Manamnama met nga inton Agosto ket makaaboten ti nalaka a bagas a paset ti Bigas 29 program kadagiti Kadiwa sites iti Visayas ken Mindanao.
Idi napan a bulan, ngimmato iti 6.5 percent ti food inflation manipud iti 6.1 percent idi napan a bulan ti Mayo.
