Inaprubaran ti House Committee on Appropriations ti maysa a gakat a mangidurduron ken mangipasdek iti Presidential Merit Scholarship Program a karaman iti Legislative-Executive Development Advisory Council (LEDAC) agenda ni Presidente Ferdinand “Bongbong” Marcos Jr.
Ti House Bill 5763 ket napagtitipon a walo a gakat a binukel da Leyte 1st District Rep. Ferdinand Martin G. Romualdez, TINGOG Party-list Reps. Yedda Marie K. Romualdez, Andrew Julian K. Romualdez, ken Jude A. Acidre.
Ti gakat a naikeddeng a maipasidong iti Commission on Higher Education (CHED) ket mangitandudo ti maysa a komprehensibo nga scholarship package pakairamanan ti tuition fee ken dadduma nga school fees, allowances ken dadduma pay a suporta kadagiti kualipikado nga estudyante ti pribado ken pampubliko nga institusyon.
Babaen iti programa ket masigurado ti Kongreso a maitandudo ti academic excellence babaen iti suporta ti gobierno.
