Nangipila ni Senate Minority Leader Vicente Tito Sotto III iti gakat a mangisingasing iti pannakabukel ti Presidential Drug Enforcement Authority tapno mapabileg ti panagresponde ti gobierno kontra kadagiti illegal narcotic ken drug abuse.
Ti gakat a napaulwan iti Presidential Drug Enforcement Authority Act, ket gagemna nga amyendaran ti Republic Act 9165 wenno Comprehensive Dangerous Drugs Act of 2002 ken waswasen ti Philippine Drug Enforcement Agency (PDEA) ken ti Dangerous Drugs Board (DDB).
Iti salinong ti Presidential Drug Enforcement Authority, adda mabukel a bureau a pakairamanan ti Anti-Drug Enforcement, Anti-Drug Prosecution, Anti-Drug Prevention, Anti-Drug Rehabilitation, ken Anti-Drug Policy Formulation, Guidelines and Procedure.
Dagiti mangidaulo ket dutokan ti presidente nga isunto ti responsable iti general administration ken management iti ahensia.
