Inkalintegan ni Presidente Ferdinand Bongbong Marcos ti Philippine National Police a mangisaysayangkat iti operasyon tapno sapulen ken kemmegen ni Pastor Apollo Quiboloy idiay Davao City.
Kunana nga awan ti linabsing dagiti pannakabagi ti linteg a karbengan dagiti tattao.
Segun ken ni Marcos, saanna a makitkita nga adda panaglabsing iti karbengan dagiti tattao no adu ti pulis ta inaramidda daytoy tapno mapagtalinaed a nakapia ken masigurado a natalged ti lugar nangruna ta daytoy ket 30-hectare compound isu a kasapulan a talaga ti adu a tao.
Pinaglibakan pay ti presidente a dagiti pulis a napan iti Kingdom of Jesus Christ compound ket armado, ta saanda a nagusar iti tear gas kontra kadagiti KOJC members kas dakdakamaten dagiti mamati ken ni Quiboloy.
