VIGAN CITY – Adda epilepsy ti biktima a ni Ludivino Paquinio Banadero nga agtawen iti lima pulo, naasawaan, presidente dagiti mangngalap idiay Barangay Miramar, Magsingal nga isu iti posible a nagdikar a rason iti nakalmesan na idi napan nagala ti seaweeds idi April 28 idiay San Isidro, San Juan.
Maibasar iti imbestigasyon ti San Juan PNP nga idaulwan ni Police Captain Jade Macaraeg, napan iti taaw ti biktima idi ala una ti malem ti April 28 ta mapan agala ti seaweeds nga ipasango na kuma kadagiti sangaili na idi kalman ta piyesta da.
Ngem idi alas tres iti malem iti nasao nga aldaw, nakita ni Primo Pagay Banadeo nga agtawen iti uppat a pulo ket dua nga agnaed iti nasao met laeng a lugar nga awan iti motorboat na ti biktima isu nga insigida a nagpatulon kadagiti kakabagyan da a nangsapul ken ti biktima.
Nasarakan ti bangkay ti biktima a tumtumpaw iti baybay idi alas singko y media iti malem idi April 28.
