Gagem ni Presidente Ferdinand Marcos Jr a pagbalinen a permanente dagiti Kadiwa stalls a pakagatangan ti publiko iti nalaklaka nga agricultural producys.
Bayat ti State of the Nation Address ni Marcos, kunana a ti kaadda dagiti Kadiwa center iti pagilian ket agtultuloy gapu ti kina-epektibo ti programa nga isu kumamkamangan dagiti umili iti panawen a nangina ti presyo ti taraon.
Ti Kadiwa ket programa ti Department of Agriculture a ti gagemna ket ipaayan ti publiko iti nalaka a magatang babaen ti panangipalubosda iti farming comunuty nga ilako dagiti produktoda direkta kadagiti konsyumer nga awan ti trader-intermediaries.
Iti agdama, adda nasurok lima gasut a Kadiwa stalls iti intero a pagilian a mangipapaay kadagiti kangrunaan a kasapulan dagiti konsyumer iti nalaklaka a gatad.
