Simmangpeten ni President Ferdinand Marcos Jr. idiay Malaysia tapno makipaset iti maika-uppat a pulo ket innem nga ASEAN Summit ken Related Summits.
Ti eroplano a nagluganan ti presidente ken delegationna ket simmangpet iti alas singko kuarentay uno iti malem idi kalman iti Bunga Raya VIP Complex idiay Kuala Lumpur International Airport.
Kadua ni Marcos ni First Lady Louise Liza Araneta-Marcos, Presidential Communications Secretary Jay Ruiz, Trade and Industry Secretary Christina Aldeguer-Roque, ken Mindanao Development Authority head Tereso Magno.
Manamnama nga iduron ni Marcos iti Summit iti sovereignty iti pagilian iti baet ti geopolitical tensions, ti pagkasapulan ti ethical ken responsible artificial intelligence kasta payen ti takder iti pagilian ti US tariffs.
Immunan a kinuna ti Department of Foreign Affairs a duapulo ket dua a dokumento iti manamnama manipod ti Summit pakairamanan ti Kuala Lumpur Declaration on ASEAN Vision 2045, joint statements manipod 2nd ASEAN-Gulf Cooperation Council, ken ti ASEAN-GCC-China Summits.
Mangisayangkat ni Marcos iti agduduma a bilateral meetings ken makipaset iti engagement dagiti siam a lider pakairamanan ti sessions kadua ti ASEAN Business Advisory Council, youth representatives ken parliamentarians.
Makipaset pay iti 6th Brunei, Darussalam-Indonesia-Malaysia-Philippines East ASEAN Growth Area (BIMP-EAGA) Summit, a ti presidente iti mangidaulo; ti 2nd ASEAN-GCC Summit; ken ASEAN-GCC-China Summit.
