Ad-adalen ni President Ferdinand Marcos Jr. ti proposal iti Metropolitan Manila Development Authority (MMDA) nga i-adjust iti working hours iti national government offices iti alas syete iti bigat agingga alas kuatro iti malem tapno lumukay ti trapiko idiay National Capital Region (NCR).
Segun ken ni Marcos, masapul a makonsulta dagiti commuters iti nasao a banag ta posible a maapektaran iti nasurok 473,000 state workers.
Kinuna ti presidente nga ad-adalenda iti nasao a banag ta nu mayat laketdi ket aramidemda.
Ti singasing ket gagem a masukatan ti work schedule iti national government employees idiay Metro Manila manipod iti alas otso iti bigat agingga alas singko iti malem nga agbalin nga alas syete iti bigat agingga alas kuatro iti malem, a maipatulod ken ni Marcos apaman nga aprubaran iti sangapulo ket pito a Metro Manila mayors.
Ti work schedule nga inrekomendar iti MMDA ket naimplementar kadagiti empleado iti local government units idiay Metro Manila manipod May idi napan a tawen.
