Nangbukel ni President Ferdinand Marcos Jr. ti Inter-Agency Task Force para iti panagsagana, panag-organisa ken panag-host ti FIFA Futsal Women’s World Cup (FFWWC) 2025 iti Pilipinas manipod November 21 agingga December 7.
Iti bileg ti Administrative Order No. 35 a napirmaan idi July 30 ken naipablaak idi Biernes, idauluan ti task force ti Philippine Sports Commission wenno PSC kaduada ti Department of the Interior and Local Government (DILG) kas vice chair.
Karaman kadagiti miembro ti task force dagiti departamento ti turismo, foreign relations, trade, budget, salun-at, ICT, public works ken transportation; karamanen ti Philippine National Police, Bureau of Immigration, MMDA, National Intelligence Coordinating Agency, NBI, Intellectual Property Office of the Philippine ken Presidential Communications Office.
Mabalin pay nga imbitaran ti task force ti dadduma pay nga ahensya ti gobierno, LGUs, NGOs, civil society groups, academia ken dagiti stakeholder kas observer wenno resource persons para iti naep-epektibo a panagsagana.
Maibasar ti AO 35, gagem ti FFWWC 2025 nga iyetnag ti futsal iti pagilian, mai-allukoy iti naregregta a partisipasyon ti sports, ingato ti reputasyon ti Pilipinas iti international sports arena, ken agaramid kadagiti oportunidad iti ekonomia ken turismo.
Nabilin dagiti task force a mangbukel ken mangipatungpal kadagiti plano ken aktibidad pakairamanan iti panaggatang kadagiti alikamen ken materyales para iti balligi ti panag-host iti FFWWC.
