Maladingitan da President Ferdinand Marcos Jr. ken First Lady Liza Araneta-Marcos iti tragic incident iti Lapu Lapu Day Block Party idiay Vancouver, Canada a nakatayan dagiti sumagmamano a nakipaset.
Segun ken ni Marcos, manarimaanen ti panagtignay ti Philippine Consulate General in Vancouver iti Canadian authorities tapno masigurado a maimbestigaran a nalaing iti insidente ken masigurado a masuportaran dagiti biktima ken pamiliada.
Maipalagip a maysa a driver iti immarado iti kaaddoan ti tattao a kaaddoan ket Pilipino bayat ti street festival.
Impakaammo ti Vancouver Police Department nga adda dagiti natay ken adu iti nadunor gapu iti insidente.
Kinuna dagiti polis a maysa a Vancouver man nga agtawen iti tallopulo iti nakemmeg apaman a napasamak iti insidente ket iti agdama, manarimaan iti imbestigasyon iti Major Crime Section iti nasao a pasamak.
