Nainget a pabpabantayan ni Pres. Ferdinand Marcos Jr. ti garaw ti Bagyo Inday ken binilinna amin nga ahensia iti gobierno tapno siguradoen a nakasagana ti disaster response-da.
Segun ken ni Palace Press Officer Claire Castro, imbilin ti presidente iti Department of Public Works and Highways (DPWH) iti panagdalus kadagiti kanal ken dadduma pay a pagayusan iti danum iti sumagmamano a paset idiay Metro Manila tapno maliklikan iti layos.
Imbayog met ti Department of Environment and Natural Resources (DENR) ti full alert dagiti disaster response unit-da tapno mabantayan dagiti protected areas, kabakiran, karayan ken dagiti kabaybayan a lugar a mabalin a maapektaran iti bagyo.
Monmonitoren met ti Department of Information and Communications Technology (DICT) dagiti pasilidad dagiti telco.
Nakabantay pay ti emergency communication equipment idinto a 24/7 a nakalukat ti command center iti ahensia.
Impaganetget ni Marcos a saan a rumbeng a pakampante dagiti ahensia ken kasapulan nga agtalinaed a nakabantay bayat ti kaadda ti bagyo.
