Nagkedked ni President Ferdinand Marcos Jr. a dumalan ti hair follicle drug test kasaruno kadagiti akusasyon iti mapapati nga agar-aramat iti ilegal a droga.
Dayta ket kasaruno ti karit ni Atty. Vic Rodriguez iti maysa a Senatorial debate a dumalan ti presidente iti test ta ti public office ket katukad iti public trust.
Insaludsod ti presidente nu apay nga aramidenna ti nasao a banag ket awan met ti kainaigan dayta iti talek ti publiko ken serbisyo publiko.
Kwinestyunaran pay ti presidente ni Rodriguez nu apay a nagtrabaho kenkuana nu talaga a mamati iti nasao a prinsipyo.
Nagserbi ni Rodriguez a pannakangiwat ti presidente idi 2022 National Elections ken nagbalin nga executive secretary iti administrasyon ngem nagikkat idi September 2022 gapu iti mapapati a personal a rason.
