Kinumpirmaran iti Malakanyang a nakabiahen ni Pres. Ferdinand Marcos Jr. para iti 3-day working visit-na idiay Singapore manipod July 14 agingga 16.
Segun ken ni Presidential Communications Office Undersecretary ken Palace Press Officer Claire Castro, naglugan ti presidente iti RPP001 ken pimmanaw ti eroplano itay 5:27PM, July 14, 2026 nga agturong iti Changi airport.
Immunan a pinasingkedan ni Castro a ti biahe ti presidente ket isu ti panangiduron ti natibker a bilateral relations iti Pilipinas ken ti Singapore a sumaruno nga ASEAN Chair.
Karaman iti itinerary ti Chief Executive ti courtesy call ken ni Singapore Prime Minister Lawrence Wong ket manamnama a pagpatanganda iti kooperasyon iti biang ti trade and investment, environment and health ken regional and global development.
Makipaset pay ti presidente iti round table discussion kadua dagiti business leader.
