Naisayangkat iti apagbiit a panagsasarita da President Ferdinand Marcos Jr., US President Donald Trump ken dati a US President Joseph Biden bayat ti tabon ni Pope Francis.
Iti ladawan nga imbingay ti Presidential Communications Office, makita ni Marcos a makipatpatang kadagiti dua a lider iti St. Peter’s Square kasaruno ti funeral mass.
Makita pay iti sabali a ladawan a kinablaawan da President Marcos ken First Lady Liza Araneta-Marcos da dati a president Biden ken asawana a ni Dr. Jill Biden.
Saan pay met nga impakaammo ti PCO iti impormasyon nu ania ti nagpatangan dagiti lider iti panagkikitada.
Kabayatanna, ti chance meeting kadua ni Trump ket mano a bulan kalpasan nga imbingayu ni Pres. Marcos iti kalikagumna a makasarita mainaig iti 17-percent reciprocal tariff iti Amerika nga inyetnagda iti Pilipinas.
