Awan ti ammo ni Pres. Ferdinand Marcos Jr. iti mapapati a P24 billion “leadership fund” a mapapati a nailatang para kadagiti senador.
Dayta iti pinasingkedan ti Malakanyang kalpasan a kinuna ni dati a Department of Public Works and Highways (DPWH) Secretary Manuel Bonoan iti Sandiganbayan nga adda sag-P500 million a mapapati a pondo ti tunggal senador ken P1 billion met kadagiti Senate committee chairperson para kadagiti proyekto nga irekrekomendarda.
Segun ken ni Palace Press Officer Undersecretary Claire Castro, no ammo ti presidente ti nasao a pondo ket saanna koma nga ipalubos.
Kinunana pay nga awan ti ammo dayta ni DPWH Secretary Vince Dizon.
Impaganetget ti Malakanyang nga awan pay ti “leadership fund” iti gakat a 2027 DPWH budget.
Dagiti proyekto segun ti DPWH ket rumbeng a nakabasar kadagiti pagkasapulan dagiti lugar nga adda kompleto a dokumentona sakbay a mairaman iti budget.
