Mangnamnama ni Pres. Ferdinand Marcos Jr.a maipatungpal inton sumaruno a tawen ti waste-to-energy programs iti gobierno kas nayon nga addang iti parikot ti basura ken panaglayos iti pagilian.
Segun ken ni Marcos, nangrugi ti bidding ti Department of Energy (DOE) para kadagiti proyekto ken mabalin a maipatungpal inton 2027.
Kinuna ti DOE nga idi August 12 ket mapatta-patta a 400 megawatts (MW) ti waste-to-energy capacity ti nairaman iti Green Energy Auction program, a nakaituding ti auction inton October 13.
Pinasingkedan pay ni Marcos a rugrugianen ti gobierno ti panagaramid ti compost manipod kadagiti makolkolekta a basura tapno pakairanudan ti organic waste.
No pay kasta ket dakkel a parikot ti inorganic waste a mapmapan kadagiti drainage system ken waterways.
