Kinondenar ni President Ferdinand Marcos Jr. ti napasamak nga air incident iti Bajo de Masinloc a nakatinnagan ti dropped flare ti multirole aircraft iti ruta a dimmalanan ti Philippine Air Force (PAF) a nangisayangkat ti routinary maritime patrol iti teritoryo iti pagilian.
Nakikaysa ti presidente kadagiti natitibker a personnel ti PAF.
Kinunana a ti nagbalin a tignay ti People’s Liberation Army-Air Force ket unjustified, illegal ken reckless kangrunaan ket naipatayab iti sovereign air space iti Pilipinas.
Kinuna ti president nga ita a simmayaat ti kabaybayan ket adda manen ti China nga agar-aramid ti napeggad nga aksyon iti airspace.
Agtaltalinaed a committed iti pagilian iti nakappia a wagas a panangsulbar iti aniaman a saan a pagkikinnaawatan.
Nagpanawagan ti president iti China nga agbalin a responsable iti tignay iti kabaybayan wenno tangatang.
