Kinarit ni Presidente Ferdinand Marcos Jr. ti Kongreso a pagbalinen a priyoridad ti panagipasa ti uppat a gakat a mangitandudo ti transparency ken accountability.
Inyanunsio ni Palace Press Officer Atty. Claire Castro a dagiti gakat ket pakairamanan ti Anti-Dynasty bill, Independent People’s Commission Act, Partylist System Reform Act at Citizens Access, ken Disclosure Expenditures for National Accountability o CADENA Act.
Iti naisayangkat a Legislative Executive Development Advisory Council wenno LEDAC, kiniddaw ti presidente iti Kongreso a nasaysayaat nga umuna a pagpatangan dagiti agpampanday linteg dagiti nasao a gakat ken dagus nga ipasa.
Innayon pay ni Castro nga immanamong met ti LEDAC meeting iti timeline ti panagipasa ti General Appropriations Bill ken enrolled bills tapno dagus a mapirmaan ti presidente. – Reynand Fontejon
