Imbilin ni President Ferdinand Marcos Jr. nga ire-examine wenno adalen a nalaing ti disenyo dagiti flood control projects idiay Metro Manila kalpasan ti napaspas a panagpangato ti danum iti panagduprak ti Super Typhoon Carina ken habagat.
Iti panag-inspect ni Pres. Marcos idiay Malabon, Navotas ken Valenzuela ket nababalaw ti presidente a saan a kas ti Bagyo Ondoy ti napasamak iti Bagyo Carina ngem nakarkaru iti epektona ta nalayos iti adu a lugar.
Kinunana nga adadu ti flood control projects ita nu yarig idi panawen ti Bagyo Ondoy ta adun iti pumping stations kadagiti siudad ngem ti parikot ket pagbabasuraan dagiti umili isu nga agbarado ken saan nga epektibo ti pasilidad.
Nupay kasta ket posible a gapu pay ti nadadael a navigation gate idiay Navotas iti nakaru a layos ta nadungpar ti maysa a barko.
