Pinasingkedan ni President Ferdinand Marcos Jr. nga awan ti napasamak a panaglabsing ken legal iti pannakakemmeg ken pannaka-turn over iti International Criminal Court (ICC) ni dati a President Rodrigo Duterte.
Segun ken ni Pres. Marcos, sinurotda laeng ti husto ken legal a proseso iti panangiserbi ti warrant ken uray ti panangbasa ti karbengan ti dati a presidente.
Impaganetgetna a consistent iti pagilian ken saan a tumutltulong iti imbestigasyon iti International Criminal Court nu man pay adda kontakda kadakuada ket saan nga official level ken saanda a timmulong iti aniaman a wagas.
Pinaglibakan ti presidente nga adda pakainaigan ti politika ti pannakakemmeg ti dati a presidente ta naggaraw laeng ti kaso a nangrugi idi pay laeng 2017 bayat ti Duterte Administration.
Kabayatanna, kinuna ni Marcos a nagturongen idiay The Hague, Netherlands ti eroplano a nagluganan ti dati a presidente iti alas onset res idi rabii babaen ti Gulfstream G550 chartered flights.
Manamnama nga agstop over iti nasao nga eroplano idiay Dubai, United Arab Emirates para ti refueling ken agderetso idiay The Netherlands.
