Imbilin ni President Ferdinand Marcos Jr. iti Department of Public Works and Highways (DPWH) a mangiyetnag ti updated Bicol River Basin Master Plan tapno tignayan ti perennial flooding idiay Bicol region.
Segun ti Presidential Communications Office, ti bilin ni Marcos ket bayat ti taripnong kaduana ti Regional Development Council idiay Pili, Camarines Sur.
Kinuna ni Marcos a nabilinan ti Public Works nga agaramid ti maysa a master plan a mayannatup ita ta awan ti sabali nga addang ti flooding problem malaksid iti panangmanehar iti water flowing iti Bicol Region River Basin.
Inlawlawag ti presidente a ti dati a master plan ket saanen a mayannatup pay iti panagtignay ti emerging crises ta kimmarun ti kasasaad iti panniempo gapu iti climate change.
Pinasingkedan ni Public Works Secretary Manuel Bonoan a ti master plan para ti Bicol Region River Basin ket na-update iti salinong ti Philippine-Korea Project Facilitation Program.
