Binilin ni President Ferdinand Marcos Jr. ti National Task Force Kanlaon a mangipatungpal ti long-term plan tapno masigurado ti kinatalged dagiti residente nga apektado iti panagbettak iti Bulkang Kanlaon idiay Negros Island.
Segun ken ni President Marcos, karaman iti panangsapul iti natalged a lugar para iti maipatakder nga evacuation sites ken permanente a relokasyon maipanawen dagiti residente iti permanent danger zone.
Addan ti kitkitaenda a lugar a mabalin a pakaipatakderan ti permanente a relocation sites ken adda insingasing dagiti lokal a gobierno nu kasano a ma-regulate iti rebuilding iti agduduma nga ili.
Imbilin ti presidente kadagiti ahensya iti gobierno nga ituloy iti panangtulong kadagiti apektado nga ili ken maaddaan ti nainget a koordinasyon iti nagbaetan ti national ken local governments.
