--Ads--
Dinayaw ni Pres. Ferdinand Marcos Jr. ti legasiya ti dati a secretary ti Department of Migrant Workers a ni Toots Ople.
Maibilang ni Ople a napudno iti panagserbina ta iti kaano man ket saan a pimmanaw iti serbisyona ta intultuloyna a sinalakniban ti legasiya dagiti Pilipino uray no pimmusayen.
Iti seremonya idiay Malakanyang ket naipaay ti Posthumous Conferment of the Order of Lakandula nga adda ranggona a Grand Cross ni Ople.
Segun ken ni Pres. Marcos, ni Ople ti nangirugi iti adu a programa nga agingga ita ket ipatpatungpal iti ahensya.
-- ADVERTISEMENT --
Kinuna ti presidente a nagballigi dagiti programa gapu iti laing ken nalawag a pammati ni Ople iti mission iti biag nga isu ti agserbi.
