Inruar ti Department of Justice (DOJ) dagiti subphoena kontra kadagiti respondents kadagiti reklamo a nakairamanan dagiti lima a ghost flood control idiay Bulacan.
Segun ken ni Prosecutor General Richard Fadullon, ti addang ket para iti maisayangkat a preliminary investigation a marugian inton November 10.
Sinuportaran met dayta ni DOJ Officer-in-Charge Fredderick Vida iti panangibaga a sumagmamano kadagiti subpoena ket personal a naiserbi idi napan a lawas.
Immunan a nagipila iti ahensya iti rekomendasyonda a mangipila iti graft, malversation, perjury ken falsification of public documents charges dagiti opisyal ti Bulacan First District Engineering Office iti Department of Public Works and Highways (DPWH) iti Office of the Ombudsman.
Insubli ni Ombudsman Jesus Crispin Remulla ti information kontra kadagiti respondents ken nabilin iti DOJ para iti prosecution pakairamanan ti panangisayangkat ti preliminary investigaton ken panagipila kadagiti kaso.
Maipalagip a pinasingkedan ni Justice Spokesperson Polo Martinez a target ti DOJ a leppasen ti preliminary investigation iti uneg ti makabulan.
