VIGAN CITY – Pinasingkedan ni Bombo International Correspondent Sever Jane Pizun, maysa nga agindeg idiay Kosovo nga idi March 13 ket nangiparuaren ti gobiernoda kadagiti nadumaduma a pagannurotan tapno maliklikan iti COVID19.
Segun ken ni Pizun, maiparit iti sumrek ken rumuar idiay Klina ken Viti, naipasardeng ti transportasyon ken naipasarra dagiti land border para kadagiti traveler a sumrek iti nasao a pagilian malaksid laeng dagiti Kosovo citizen.
Kadagiti residente iti Kosovo ket kasapulanda iti dumalan ti medical check up ken ma-quarantine-da iti sangapulo ket uppat nga aldaw
Malaksid iti dayta, naipasarra dagiti café-bars, restaurant, shopping center, car market ngem dagiti botika ken grocery store ket isu ti nakalukat.
Kabayatanna, adda met latta ti curfew hour a sursurotenda dagiti agindeg.
