Agtultuloy iti operasyon ti Philippine Red Cross ita Semana Santa 2026 ta rinibo nga indibidual iti natulongan iti agduduma a paset iti pagilian.
Umaboten iti nasurok 7,000 nga indibidual iti pakabuklan a bilang ti catered patients.
Kaaddoan kadakuada ket dimmalan ti vital signs monitoring a pakabuklan iti 6,514 individuals idinto a nairekord iti 583 minor cases, 26 major cases, ken 14 patients a kinasapulan a maipan kadagiti ospital.
Iti biang ti welfare assistance, nakaited ti PRC iti 105 assistance pakairamanan ti 52 psychological support, 29 referral, 20 wheel chair ken senior assistance ken maysa a kaso ti tracing.
Nalawa met ti deployment iti assets iti PRC ta 75 iti ambulansya, maysa iti mobile clinic, siam iti volunteer emergency response vehicle, maysa iti rescue boat, 356 FA stations, 74 welfare desks, 85 foot patrols, ken 2,000 staff ken volunteers.
Sakup ti operasyon iti agduduma a lugar kas iti 141 a simbaan, 38 beach, 16 bus terminal, 67 highways, 18 seaports, ken dadduma pay nga strategic areas kas ti mall, mountains, pilgrimage sites, public market, train station ken expressway.
