Nangiruar ti bilin ti Philippine Ports Authority (PPA) a mangpababa ti Ro-Ro Terminal Fee (RRTF) iti gatad a piso para kadagiti lugan nga agabibiahe dagiti saan a naproseso nga agricultural products.
Iti salinong ti PPA Administrative Order No. 003-20267, gagem ti nasao nga addang a palag-anen ti epekto iti nalaka a presyo ti petrolyo iti logistic sector ken masigurado iti agtultuloy a suplay iti taraon iti pagilian.
Sakup iti temporaryo a panagkissay dagiti Ro-Ro vehicle a mangipatulod kadagiti raw ken unprocessed agricultural products kas iti bagas, prutas ken nateng, dagiti fishery product ken dagiti sibibiag wenno naparti nga ayup ken manok a saan a naproseso.
Saan a sakup iti nalaklaka a bayad dagiti processed agricultural product.
Ti temporaryo a panagkissay iti RRTF ket para laeng kadagiti Type 3 vehicle a kas iti Light delivery truck, van ken pickup truck ken heavy delivery trucks.
