--Ads--
Saan pay a masigurado ti Vatican no agingga kaano nga agtalinaed iti ospital ni Pope Francis.
Dua a lawasen a nakaiconfine idiay Gemeli hospital ti Santo Papa gapu iti sagsagabaenna a double pneumonia.
Segun iti Vatican, natalged ti kasasaad ti Santo Papa ken nasimbeng ti pannaturogna kadagiti naglabas a rabii.
Makapagna payen iti uneg ti kuartona ken makapanganen iti normal.
-- ADVERTISEMENT --
Nakakabit pay laeng ti supplementary oxygen manipud agongna ngem kabaelanna met ti umanges.
Immunan a pinasingkedan dagiti doktorna a simmayaat ti chest CT scan na ta normal met ti kasasaad ti barana.
