--Ads--
Impaganetget ni Rep. Renee Louise Co a nasken nga aramaten ti Department of Education ti pondo para kadagiti mental health professional ken nayon a classroom imbes a confidential funds.
Kinontra ni Co ti sinarita ni Sen. Robin Padilla a mabalin a malapdan ti confidential funds dagiti shooting iti pagadalan.
Segun ken ni Co, ad-adu ti nasken a pokusan tapno masalwadan dagiti estudiante, kas ti panangliklik iti access ti menor de edad iti paltog, mental health support, ken dagiti parikut iti pamilia, pagadalan, ken komunidad.
Nadakamatna pay ti P112.5 milion a confidential funds ti DepEd idi Secretary ni VP Sara, a maibagbaga nga inabuso ken saan a husto ti panagaramatna agraman dagiti alegasion a natratar iti impeachment trial.
-- ADVERTISEMENT --
