Natalek ti maysa a political analyst nga umabot iti trial ti kaso a crimes against humanity a sangsangwen ni dati a Presidente Rodrigo Duterte.
Dayta ket kalpasan ti 4 nga aldaw a confirmation of charges hearing nga insayangkat ti International Criminal Court idiay The Hague, Netherlands.
Iti pannaki-uman ti Bombo Radyo Vigan ken ni Atty. Michael Henry Yusingco, patienna nga epektibo ti panangidatag ti prosekusyon kadagiti ebidensia tapno maallukoy ti rikna dagiti huwes nga umabot iti trial ti kaso.
Kabayatanna, mamati pay a naaramid met ti abogado ni Duterte a ni Atty. Nicholas Kaufman ti trabahona ngem ibilangna a napeggad ken amangan ta ad-adda a mangimameg iti kliyentena ti pananglaokna iti pulitika iti wagas ti panangidepensana.
Para ken ni Yusingco a maysa a dati a litigator, ti wagas nga inaramid ti ICC iti kaso ni Duterte ket isu ti nasken a langa ti judicial process.
