Impila ti Quezon City Police District ti kaso nga inciting to sedition ni Patrolman Francis Steve Fontillas gapu iti panaglabsingna ti Article 142 iti Revised Penal Code nga adda pakainaigan ti Republic Act No. 10175 wenno Cybercrime Prevention Act.
Bagtaud dayta kadagiti post ni Fontillas a maysa met a volgger a saanna nga anamungan ti pannakakemmeg ni dati a president Rodrigo Duterte iti International Criminal Court wenno ICC.
Ni Fontillas ket supporter ni Duterte.
Kinuna ti Quezon City Police District a dagiti Philippine National Police officers ket masapul nga agtalinaed nga apolitical ken non-partisan iti aniaman a gundaway ken masapul a liklikan ti ag-post iti unauthorized ken biased contents iti social media ken dadduma pay a platforms.
Sakbay a nakasoan ti polis ket naamoan a nag-Absent Without Official Leave wenno AWOL manipod pay idi March 6.
