Polis a karaman iti pannakapukaw dagiti sabungero, innaganan ni Julie Patidongan

Pormal a nagipila ti reklamo iti National Police Commission ni Julie Patidongan alyas Totoy kontra kadagiti polis a mapapati a karaman iti kaso dagiti missing sabungero.

Innagananna iti naipila a complaint affidavit dagiti polis a karaman iti kaso.

Kadagiti sangapulo ket lima a polis ket sangapulo ket dua iti aktibo idinto a tallo iti awanen iti serbisyo.

Segun ken ni Patidongan, dagiti nasao a polis ket isu iti nangala kadagiti missing sabungero a naggapu iti farm ken isu ti nangipan iti Taal Lake.

Kaduana a nagipila iti reklamo dagiti sumagmamano a kabagyan dagiti mapukpukaw a sabungero.