--Ads--
Indeklara ti Senate impeachment court kas hostile witness ni Atty. Michael Poa, dati nga opisial ti Department of Education ken miembro ti defense team ni Vice President Sara Duterte.
Gapu iti dayta, pinalubosan ti prosecution nga agaramat iti leading questions iti panangsaludsod ken ni Poa mainaig iti mapapati nga iregularidad iti panagaramat ken liquidation iti P112.5 milion aconfidential funds ti DepEd ken P500 milion a pondo ti OVP.
Bimmara ti umuna a paset ti panagdengngeg kalpasan nga inawagan ni Atty. Benjamin Tolosa Jr. ni Poa nga “abogadong walang alam,” a kinontra met ti defense counsel ken impaikkat ni Presiding Officer Chiz Escudero iti official record.
