Nangideploy ti Philippine National Police iti nasurok 500 a kameng tapno tumulong kadagiti lokal a gobierno a maibakwit dagiti pamilia nga adda iti uneg ti innem a kilometro a danger zone ti agal-alburuto a Bulkang Mayon.
Segun ken ni PNP acting chief PLT. Gen. Jose Melencio Nartatez Jr., gagem ti addang a masalwadan dagiti agindeg ken mapagtalinaed ti urnos iti baet ti kumarkaro nga aktibidad ti bulkan.
Mangisayangkatda pay iti checkpoint kadagiti kangrunaan nga entry point dagiti danger zone idinto a mapabileg met ti presensya ti kapulisan iti nadumaduma a lugar idiay Albay tapno masigurado ti proteksyon dagiti komunidad kadagiti napeggad a lugar.
Saan a mapuersa ti panagbakwit no di ket maipakaawat kadagiti agindeg babaen iti tulong ti barangay no kasano kapeggad iti biag ken salun-atda no bilang ta saanda kayat a panawan dagiti sanikuada.
