--Ads--
Pinaglibakan ti Philippine National Police (PNP) ti alegasion a mapukpukaw ti kuarta a nakumpiskar kadagiti napalabas nga operasion kadagiti Philippine Offshore Gaming Operators (POGO).
Segun kenni PNP Spokesperson PBGen. Jean Fajardo, adda iti kustodia ti PNP dagiti amin a kuarta a naala iti operasion ti PNP NCRPO ken ti PNP Anti-Cybercrime Group.
Inlawlawag ni PBGen Fajardo a nasurok a P180 milion ti naala manipud iti raid idiay Sun Valley ken nasurok a P117 milion iti Hong Thai.
Ti turn-over ti pondo ket depende iti pammilin ti korte gapu ta agtultuloy pay laeng ti imbestigasion kadagiti kaso.
-- ADVERTISEMENT --
Inlawlawag ni Fajardo a mabalin a naggapu ti saan nga usto nga impormasion iti operasion iti Century Peak Tower idiay Malate, Manila.
