--Ads--
Papigsaen ti Philippine National Police ti kampania kontra iti panagraira manen dagiti iligal nga online cockfighting wenno e-sabong iti pagilian.
Segun ken ni PNP Chief Police General Jose Melencio Nartatez Jr., agtultuloy ti panangparmekda kadagiti amin a klase ti iligal a panagsugal.
Binilinnan dagiti police commander a makitinnulong iti Anti Cybercrime Group tapno matiliw dagiti operator nga agar-aramat iti VPN ken offshore hosting services.
Inallukoy pay ti PNP ti publiko nga ireport ti ania man nga impormasion mainaig iti iligal nga operasion ken nagballaagda kadagiti pulis kontra iti pannakisali kadagiti kastoy a klase ti aramid.
-- ADVERTISEMENT --
