Nakasagana ti Philippine National Police (PNP) a sumungbat iti reklamo nga impila ni Davao City Acting Mayor Sebastian “Baste” Duterte kontra kadagiti sumagmamano a miembro ti PNP.
Kinumpirmaran ni PNP Public Information Office Chief PBGen. Randulf Tuano nga iyuray-da pay ti direktiba manipud iti maseknan nga opisial mainaig ti sumaruno nga addang.
Maikkan ti iti oportunidad dagiti karaman a pulis a mangibingay ti sungbat-da mainaig iti nasao nga isyu ti kabiitan a panawen kas paset ti kalinteganda.
Sangoen dagiti karaman a pulis ti kaso a kidnapping, arbitrary detention, qualified direct assault, expulsion, ken usurpation of judicial functions iti salinong ti Revised Penal Code ken iti maipagarup a panaglabsing iti Anti-Graft and Corrupt Practices. – Reynand Fontejon
