--Ads--
Nakasaganan ti Philippine National Police a tumulong iti crisis committee nga isagsagana ti gobierno kas sungbat iti epekto ti tension idiay Middle East.
Imbilin ni Presidente Ferdinand Marcos Jr. ti panangbukel ti crisis committee tapno sumungbat iti epekto ti ngumatngato a presio ti produkto petrolyo.
Pinasingkedan ni PNP chief Gen. Jose Melencio Nartatez Jr. a saan a daytoy ti umuna a gundaway ti panangipaay ti tulong ti PNP, kas idi COVID-19 pandemic nga adda dakkel a responsibilidad ti PNP iti panangipatungpal ti quarantine protocols, panangipaay ti relief goods, ken panangsuporta iti public safety measures.
Impaganetget ti ahensia nga agtultuloy ti suportada iti amin nga addang ti administrasion para iti pagsayaatan ti tunggal Pilipino.
-- ADVERTISEMENT --
