Nakairekord ti Philippine National Police iti pakabuklan a 1,275 school-related incident a karaman ti Children in Conflict with the Law iti intero a pagilian manipud 2022 agingga 2025, segun iti Women and Children Protection Center.
Ti kangatwan a bilang ti insidente ket nairekord idi 2023 a 395 ti kaso, sinaruno ti 345 idi 2024, 325 idi 2025 ken 210 idi 2022.
Nakita pay iti record ti PNP a dagiti kaso ket nasolusyonan babaen iti legal, social welfare, ken community-based intervention, ket 279 ti kaso a naipila iti korte, 323 iti salinong ti preliminary investigation, 221 ti naisimpan, ken 52 ti nai-refer iti social welfare authorities para iti naan-anay a tulong ken intervention.
Kabayatanna, pakabuklan a 119 a kaso ti na-dismiss, idinto a 272 ket dagiti sitwasion a dagiti complainant wenno biktima ket saanen a nagipila iti reklamo.
