Binilinen ti Philippine National Police babaen iti panangidaulo ni Police Lt. Gen. Melencio Nartatez Jr., dagiti amin a concerned police office ken unit nga agsagana iti epekto ti bagyo Wilma.
Segun ken ni Nartatez, papigsaenda ti pannakibinnuligda iti lokal a gobierno ken dadduma pay a concerned agencies government response tapno masigurado ti kinatalged ti publiko.
Nakaalerto pay dagiti personnel ti PNP ken nakasagana ti puersa para iti posible a preemptive evacuation ken prepositioning ti mobility ken rescue assets.
Pinalagipanna dagiti opisial ken publiko a posible a maapektaran iti bagyo a bantayan dagiti forecast ti state weather bureau ti PAGASA, ta isu ti agserbi a tarabay iti panagsaganada iti ania man a pangta ti saan a nasayaat a paniempo.
