--Ads--
Nagpanawagan ti Philippine National Police kadagiti motorista a nainget a sumurot iti linteg-trapiko tapno maliklikan ti aksidente iti baet ti panagsangpet dagiti biahero ita a Baro a Tawen.
Segun ken acting PNP chief PLT. Gen. Jose Melencio Nartatez Jr., ngimmato ti aksidente gapu iti holiday rush isu nga agtultuloy ti pannakikammayetda iti nadumaduma nga ahensia para iti road safety interventions.
Inallukoy dagiti motorista a siguraduen a naurnos ti luganda ken suroten dagiti patakaran, nangruna kadagiti aksidente dagiti pampasahero a bus idiay Quezon ken Camarines Sur.
Karaman kadagiti addang ti PNP ti inspeksion kadagiti bus ken panangkita iti kasasaad dagiti drayber tapno masigurado ti natalged a biahe.
-- ADVERTISEMENT --
