Nagpalagip ti Philippine National Police iti publiko nga agbalin a responsible iti panagaramid ken panangibingay ti artificial intelligence generated images a mangipakpakita ti naka-sibilyan a naka-suot ti police uniform.
Pinasingkedan ni PNP Chief Gen. Jose Melencio Nartatez Jr. a bigbigen ti kapulisan ti potensial ti AI, ngem kinarit na ti publiko nga agbalin a transparent no digitally generated wenno altered ti maysa a ladawan wenno video.
Saan met a gagem ti pammalagip a lapdan panagaramat ti AI ngem itandudo ti responsable a panagusar daytoy.
Impaganetget ni Nartatez a saan laeng a simple a bado ti police uniform ngem mangibagbagi daytoy iti responsibilidad ken talek ti publiko kadagiti pulis.
Nagbalaag pay ti PNP a mabalin a maaddaan ti legal nga implikasion ti saan nga otorisado a panagaramat ti police uniform, pakairamanan ti AI-generated content, iti salinong ti Article 179 ti Revised Penal Code wenno Illegal Use of Uniforms or Insignia, mainaig ti Cybercrime Prevention Act.
