Mangipatungpal ti Philippine National Police iti naing-inget a seguridad iti intero a pagilian kagiddan ti panagsagana ti Muslim Filipino iti selebrasion ti Eid’l Fitr.
Segun iti PNP, mangikabilda iti police unit kadagiti kangrunaan a lugar tapno mabantayan dagiti mosque, prayer venues ken komunidad ti Muslim.
Gapu ta masansan a kadagiti dakkel a mosque wenno open area ti congregational prayer, inyunay-unay ti PNP ti kinapateg ti traffic ken crowd management.
Maaddaan pay ti quick response teams ken medical units a naka-standby tapno mangsulbar iti ania man a pasamak.
Iti selebrasion ti Eid’l Fitr, masansan nga aguummong dagiti Muslim kadua ti pamilia ken gayyemda para iti kararag ken ragragsak, agraman ti panangipaayda iti Zakat al-Fitr para kadagiti awanan.
