Kinondena ti Philippine National Police ti ambush kadagiti tropa iti Shariff Aguak, Maguindanao del Sur idi Marso 28, 2026 a nakatayan dagiti 5 a pulis ken nakadunoran dagiti 3 a sabali pay.
Rinaut dagiti saan pay a nabigbig nga armado a suspek dagiti miembro ti 2nd Provincial Mobile Force Company kabayatan ti panagawidda iti detachment-da kalpasan ti panangisayangkatda iti patrol ken police visibility operations.
Dagus a naipan kadagiti kaasidegna nga ospital dagiti nadunor a personnel a madama ita a matamtaming.
Segun ken ni PNP chief Jose Melencio Nartatez Jr., inrusat ti ahensia ti napabileg a hot pursuit operations kadua ti Armed Forces of the Philippines tapno matiliw dagiti responsable nga indibidual.
Ikagkagumaan ti PNP nga aramiden ti amin nga addang a kasapulan tapno maragpat ti hustisia ti pamilia dagiti biktima.
