Mangrugi ita nga aldaw, Oktubre 30 agingga November 4, nainget a bantayan ti Philippine National Police katinnulongda dagiti nadumaduma a law enforcement group dagiti amin a kangrunaan a transport terminal, airport, pantalan, highway, ken provincial road gapu iti manamnama a panagsangpet dagiti pasahero a mapan iti nadumaduma a probinsia para iti Undas ken tapno gundawayanda ti agbakasion.
Segun ken ni PNP Acting Chief, Pol. Lt. Gen. Jose Melencio Nartatez Jr., adda dagiti naideploy a uniformed personal a mangipaay iti tulong, mangipatungpal iti kinaurnos, ken dagus a panagresponde iti ania man a pasamak.
Tumulong ti PNP Aviation Security Group iti Civil Aviation Authority of the Philippines kadagiti pasahero iti airport.
Ti met PNP Highway Patrol Group ti tumulong iti Metropolitan Development Authority ken Land Transportation Office kadagiti kalsada iti Metro Manila ken kadagiti probinsia.
Ti PNP Maritime Group ti tumulong iti Philippine Coast Guard ken Philippine Ports Authority para kadagiti biahe iti kabaybayan. 24/7 ti pannakikammayet ti PNP kadagiti ahensia ti gobierno tapno masigurado ti alisto a responde ken real-time monitoring kadagiti biahero
