Impilan ti Quezon City Police District ti reklamo a direct assault, disobedience ken grave coercion kontra ken ni Vice President Sara Duterte ken dadduma pay a miembro ti Vice Presidential Security and Protection Group itattay.
Dagiti kaso ket naipila iti Quezon City Prosecutor’s Office kasaruno iti insidente iti House of Representatives Detention Center ken Veterans Memorial Medical Center.
Ti addang ket nagtaud iti mapapati a puersa a pannakaiyakar ni Office of the Vice President chief of staff Zuleika Lopez.
Segun ken ni PNP Chied Rommel Marbil, karaman pay kadagiti respondent iti reklamo ni Col. Raymund Lachica a mangidaulo ti Vice Presidential Security and Protection Group a mapapati a nakita a nagiduron ken nang-assault iti Philippine National Police Doctor a na-assign a mang-assist ken ni Zuleika Lopez bayat ti pannakatransferna iti Veterans Memorial Medical Center.
Kinuna ni PNP Spokesperson Brig. Gen. Jean Fajardo a ti panagiduron ni Lachica iti PNP doctor ket qualified direct assault ta maysa a public officer ni Lachica.
Maipalagip a na-contempt ni Lopez gapu iti undue interference, isu a nabilin nga iserbina ti five-day detention ken na-extend iti sangapulo nga aldaw kasaruno iti insidente.
